La senda dal magliavirüclas

Che crescha e flurischa, cuorra ed as struozcha, svoula e tschüvlagia in nossa cuntrada cultivada? La senda cumadaivla da Tschlin giò Strada animescha in möd divertent da contemplar nossa cuntrada. Las tablas fich bain gratiadas illustreschan üna blerüra da robas interessantas our da la natüra e da la cultura in Eingiadina Bassa.

Temp da chaminar ca 2 uras

Il magliavirüclas (dèticus verrucivorus Linné)
Ün silip chi nu fa grondas pretaisas a seis ambiaint. Il plü bain as chatta’l da chasa sün terrain möglierv expost al sulai, e be dürant il di as poja dudir seis grisular. Tenor veglia superstiziun dess quista bes-chetta esser statta in cas da allontanar in möd efficazi cun virüclas vi da mans e peis. Üna morsa, e la saliva ch’is derasaiva in seguit sülla virücla pisseraiva subit per guarischun.