La baselgia da San Plasch

La baselgia consacrada al Sonch Plasch a Tschlin es situada sün üna collina marcanta illa part orientala dal cumün. L’imposant clucher roman, bain proporziunà, guarda majestusamaing giò vers la val; dasper la baselgia cun müraglias albas ed in stil gotic, fabrichada dal 1515 sün fundamainta unriunta romana. Tenor las ultimas retscherchas des valair Andreas Bühler sco maister, e na sco supponü fin uossa Berhard da Puschlav. Ils frescos cuostaivels, stats zuogliats il decuors da la refuormaziun, sun gnüts restorats dal 1960 ed eir il vegl clucher es gnü imbelli e reparà per far plaschair a generaziuns venturas. Ils frescos i’l intern da la baselgia illustreschan la legenda dal martiri da San Plasch, l’alvantaziun da Maria Magdalena tras ils anguels, sco eir il Sonch Sebastian.