Xong – il festival in la regiun da cunfin dals trais pajais

Il festival Xong es ün evenimaint cultural unic in tuot l’Europa. In la regiun dals trais pajais vain daspö il 1998 fat musica, ballà, spassegià e giovà teater. Ün festival musical da musica populara locala ed internaziunala, sainza ingüna associaziun folcloristica. Vi pel di han lö spassegiadas culturalas, lavuratoris musicals e teatrals, la saira as vaja a concerts e davo a l’ustaria, ingiò chi vain fat inavant musica. Da prüm innan s’ha Tschlin partecipà sco lö d’occurenza dal festival Xong. Fich gronda popularità gioda minch’on il lavuratori musical dals Fränzlis da Tschlin, ingiò chi vain sport cun grond plaschair ün’invista in la musica populara tradiziunala da la regiun.

www.xong.net