Ils Fränzlis da Tschlin
Musica sainza cunfins cun ragischs a Tschlin

«I vegnan ils Fränzlis!» scha quist clom tunaiva tras las giassas in noss cumüns schi savaiva la giuventüna: gronda festa, ballar tuotta not fin vers bunura. Ils Fränzlis derivaivan da la famiglia dals Wasers chi d'eiran gnüts a star in Engiadina illa prüma mità dal 19avel tschientiner. Immigrats d'eiran els da la Suotsilvania sur la Surselva . Ill commeber il plü cuntschaint, il violinist orb Franz-Josef «Fränzli» Waser as vaiva chasà a Chaflur sper Strada. Insembel cun seis bap e seis  frars  sunaivan els intuorn ils ons 1870 in tuot l'Engiadina e la Bergiaglia fin a Chiavenna.

Ils Fränzlis da Tschlin han surtut dal 1982  quista tradiziun a dan concerts in tuot la Svizra ed a l'ester. Els nu sunan però exclusivamaing musica tradiziunala. Els han eir plaschair vi dad oters elemaints musicals ed i's doda ch'els as saintan bain i'ls plü differents stils da musica. Tant l'ami da la musica populara sco quel da la musica classica han grond plaschair da lur musica.

www.fraenzlis.ch