Center Cultural baselgia San Niclà - Cultura sper l'En

Aint illa bellischma baselgetta da San Niclà han lö cults divins e differents evenimaints culturals da tuot gener sco concerts o teater. Per impedir, cha la baselgia vegna missa ad ir sco chasa da vacanzas o alch sumgliaint, han fuondà diversas persunas interessadas, l’an 1982 üna fundaziun, cul böt da refar la baselgia in sia fuorma uriunta e da tilla metter darcheu a disposiziun a la populaziun. Al cussagl da fundaziun dal center Cultural fan part set commembers: duos elets da la Corporaziun evangelica da Tschlin-Strada-Martina, adüna ün elet da la Corporaziun evangelica da Ramosch, dal cumün politic da Tschlin e da Ramosch, dal Colloqui Engiadina Bassa/Val Müstair ed ün commember liber, elet  dals oters commembers da la fundaziun.