Cumün politic

Il cumün, il qual as cumpuona our da las 3 fracziuns Tschlin, Strada e Martina, as rechatta in Engiadina Bassa al cunfin cun l'Austria e cun l'Italia. La surfatscha da seis territori s'amunta a 7473 ha, da la quala sun 968 ha prada e chomps, 1895 ha pas-chüras, 2176 ha god e 2434 ha terrain na productiv.
La populaziun s'ingascha impustüt ill'agricultura, in mansters da servezzan, sco eir in plazzas dal stadi a Martina, sco guardgias da cunfin o daziers. Bleras e blers chattan eir lavur a Scuol, chi's rechatta furtünadamaing vaira dastrusch.
Plüsas organisaziuns prouvan da cultivar ün turissem moderà e da promover cun quai ün sectur d’economia pel mumaint amo incuntschaint in nos cumün.